“Tədris ilinin yarısında heç kəsin dərsliyi ləğv etmək ixtiyarı yoxdur”
“Tələbə Qəbulu üzrə Dövlət Komissiyası dərsliklərin monitorinqini həyata keçirib və rəyi nazirliyə göndəriblər. Təhsil Nazirliyi həmin rəyləri araşdıracaq, qərar qəbul edəcək və bununla bağlı komissiyaya məlumat veriləcək”.
Bunu təhsil naziri Misir Mərdanov jurnalistlərə açıqlamasında deyib. Nazir qeyd edib ki, tədrisin ilinin yarısında məktəbdə istifadə olunan dərsliyi heç kəsin ləğv etmək ixtiyarı yoxdur. Onun sözlərinə görə, dərsliklərin ləğvi yalnız dövlətin təhsil siyasətini həyata keçirən quruma aiddir.
Qeyd edək ki, TQDK rəhbərliyi bir sıra dərsliklərin yararsız olduğunu və tədris üçün uyğun olmadığı üçün ləğv edilməsini bəyanlamışdı.
