Mayın 10-da Azərbaycandan Ukraynanın Dnepr şəhərinə 20 ton humanitar yardım çatdırılıb.
"Unikal" xəbər verir ki, bu barədə Dnepr Şəhər Şurasının mətbuat xidməti məlumat yayıb.
Humanitar yardıma müharibə dövründə ən çox tələb olunan uzunmüddətli saxlanma qabiliyyətinə malik məhsullar və dərman preparatları daxildir.
Şəhər Şurasından verilən məlumata görə, bu vasitələr məcburi köçkünlər arasında bölüşdürüləcək.
