İranın Fars əyalətinin Firuzabad şəhərində kimya fabrikində baş verən partlayış nəticəsində fabrikdən sızan zəhərli qazlardan 112 nəfər zərər çəkib və xəstəxanaya yerləşdirilib.
 

"Unikal" xəbər verir ki, partlayış Firuzabad natrium karbonat fabrikində çənlərdən birində sızma nəticəsində baş verib.
Fars Dövlət Təcili Tibbi Yardım və Qəza Mərkəzinin direktoru Məhəmməd Cavad Muradiyan verdiyi yazılı açıqlamada partlayışın törətdiyi yanğında indiyədək 112 nəfərin yaralandığını bildirib.

Xəsarət alanlar arasında qazdan zəhərlənənlərin də olduğunu qeyd edən Muradiyan yaralıların Firuzabad xəstəxanasına aparıldığını bildirib.
Fars Qubernatorluğunun Böhran Vəziyyətlərində İdarəetmə Mərkəzinin direktoru Halil Abdullahi də hadisənin tez bir zamanda təxliyə edildiyini və partlayış nəticəsində heç bir insan itkisinin olmadığını bildirib.

Yanğının fabrikin digər çənlərinə keçməsi və qazın yayılması ilə əlaqədar Cem-Firuzabad yolu da keçidlərə bağlanıb.