Rusiya prezidenti Vladimir Putin qazaxıstanlı həmkarı ilə görüşdə iki ölkənin müxtəlif idarələrinin birgə fəaliyyətini, o cümlədən Kollektiv Təhlükəsizlik Müqaviləsi Təşkilatı (KTMT) çərçivəsində hərbi təlimlərin hazırlanmasını qeyd edib.
"Unikal" xəbər verir ki, Rusiya dövlətinin başçısı xatırladıb ki, oktyabr ayında ölkələr diplomatik münasibətlərin qurulmasının 30 illiyini qeyd edirlər və bu tarixdə bir sıra müxtəlif tədbirlərin keçirilməsi nəzərdə tutulur.
"Bizim nazirlik və idarələrimiz fəal işləyir, hökumətlərarası komissiya fəal işləyir. Rusiya və Qazaxıstanın xarici işlər nazirlikləri, müdafiə nazirlikləri birgə müxtəlif tədbirlər, o cümlədən KTMT çərçivəsində birgə təlimlər hazırlayır ”- Rusiya lideri bildirib.
İyunun 14-dən 17-dək Qazaxıstanda “Poisk-2022”, “Eşelon-2022” xüsusi təlimlərinin və “Qarşılıqlı fəaliyyət-2022” komanda-qərargah təlimlərinin hazırlanması və keçirilməsi üzrə ikinci qərargah danışıqları keçirilib. Birgə təlimlərin planları nəzərdən keçirilib və razılaşdırılıb, KTMT-yə üzv dövlətlərin milli kontingentinin tərkibi və hərtərəfli dəstək məsələləri dəqiqləşdirilib. Təlimlərin keçirildiyi ərazilərdə, o cümlədən komanda idarəetmə məntəqələrində və bölmələrin şəxsi heyətinin yerləşdirilməsi üzrə kəşfiyyat aparılıb. KTMT qoşunlarının müxtəlif komponentlərinin hazırlığını birləşdirən bütün təlimlərin Qazaxıstan ərazisində, Matıbulak poliqonunda vahid əməliyyat şəraitində keçirilməsi planlaşdırılır.
O cümlədən, “Poisk-2022” xüsusi təlimi zamanı kəşfiyyatın təşkili və aparılması məsələləri işlənəcək, “Qarşılıqlı fəaliyyət-2022” təlimləri Mərkəzi Asiya regionunda silahlı münaqişənin lokallaşdırılması üzrə birgə əməliyyatın hazırlanması və keçirilməsinin işlənib hazırlanmasını nəzərdə tutur.
