Alman avtomobil istehsalçısı "Mercedes-Benz" Rusiyadakı avtomobil yığım zavodunu satacaq. 

"Unikal" xarici KİV-ə istinadən xəbər verir ki, "Avtodom" şirkətinin Rusiya dileri sözügedən zavoda alıcı ola bilər. "Mercedes" iddia edir ki, onlar Rusiya Federasiyasında biznes qurmaq üçün müxtəlif variantları nəzərdən keçirirlər.

Bundan əvvəl "Mercedes-Benz"in öz distribyutoru "Mercedes-Benz Rus"un əmlakını Rusiya dilerlərindən birinə satmaq istədiyi və distribyutorun hüquqlarının ona da keçməsini müzakirə etdiyi bildirilmişdi.

Əgər Rusiya şirkəti zavodu alarsa, ondan alman markalı avtomobillərin yığılması üçün istifadə edə bilməyəcək, çünki bu, çoxlu sayda səlahiyyətli komponent istehsalçılarından təchizat tələb edir ki, bu da qərargahın dəstəyi olmadan mümkün deyil.

Ağarza Elçinoğlu