Kreml KTMT qrupunun bu həftə Ermənistan-Azərbaycan sərhədinə gələcəyinə ümid edir. Bu, Rusiya və Azərbaycan prezidentlərinin görüşündə müzakirə olunacaq.

"Unikal" xəbər verir ki, bunu Kremlin mətbuat katibi Dmitri Peskov jurnalistlərə açıqlamasında deyib. 

Onun sözlərinə görə, Rusiya Federasiyasının rəhbəri Vladimir Putinlə Azərbaycan Respublikasının Prezidenti İlham Əliyev arasında sabah görüş baş tutacaq. 

"Bu həftə ümid edirik ki, KTMT-nin baş katibi Stanislav Zassın rəhbərlik etdiyi təftiş qrupu  sərhədə gedəcək və o, KTMT dövlət başçıları üçün hesabat hazırlayacaq. Sabah Səmərqənddə isə prezidentlə  ( Vladimir Putin - red.) İlham Əliyev arasında görüş olacaq, burada da təbii ki, gündəmin əsas mövzuları müzakirə olunacaq" - deyə o, jurnalistlərə bildirib.

Gülayə  Mecid