44 günlük Vətən müharibəsində Azərbaycanın ərazi bütövlüyü uğrunda döyüşlərdə şəhid olmuş Rəsulov Teymur və Fərziyev Saməddinin anım mərasimi keçirilib.

"Unikal" xəbər verir ki,  anım mərasimində Qaradağ Rayon İcra Hakimiyyətinin başçısı Süleyman Mikayılov, Şəhidlərin ailə üzvləri, yaxınları, qazilər, YAP Qaradağ Rayon Təşkilatının sədri  Qafar Əliyev, rayon icra hakimiyyəti başçısı aparatının məsul əməkdaşları və ictimaiyyətin nümayəndələri iştirak ediblər.

Mərasim iştirakçıları Vətənimizin bütövlüyü uğrunda canından  keçən şəhidlərimizin əziz xatirəsini bir dəqiqəlik sükutla yad ediblər.  

Qaradağ Rayon İcra Hakimiyyətinin başçısı Süleyman Mikayılov şəhid ailələrinə və qazilərə göstərilən dövlət qayğısından söz açıb.    

Mərasimdə şəhidlərin yaxınları onların xatirəsinə göstərilən hörmət və ehtirama görə Cənab Ali Baş Komandana öz minnətdarlığını bildiriblər.