"Bu gün Cənubi Qafqazda “Şimal-Cənub” və “Şərq-Qərb” əsas beynəlxalq nəqliyyat dəhlizlərinin kəsişməsi formalaşır. Bu yaradılarsa, Azərbaycan, Ermənistan və Gürcüstan iqtisadiyyatları Avrasiyadakı coğrafi mövqelərinin üstünlüyü ilə bağlı əlavə icarə haqqı almağa başlayacaqlar".

"Unikal" xəbər veri ki, bunu Rusiya Federasiyası Baş nazirinin müavini Aleksey Overçuk “Made in Russia – 2022” Beynəlxalq İxrac Forumunun plenar iclasında çıxışı zamanı deyib.

“Azərbaycanın qərb rayonları ilə Naxçıvan arasında Ermənistan və ya İran ərazisindən keçən nəqliyyat əlaqəsinin açılması bu baxımdan mühüm rol oynayacaq.

Bu gün Azərbaycan və İran sərhəddə iki ölkənin yollarını birləşdirəcək və Azərbaycanın qərb rayonları ilə Naxçıvan arasında ən qısa və rahat gediş-gəlişi təmin edəcək körpülərin tikintisinə başlayıb. Suverenliyi heç kim tərəfindən şübhə altına alınmayan Ermənistan ərazisindən Meqridən dəmir yolu və avtomobil yolu çəkilməsi Ermənistanın mövqeyindən asılıdır. Eyni zamanda, artıq İran ərazisindən Ermənistandan yan keçən yol çəkilir, yəni 2024-cü ilə qədər yol olacaq və o, İran, Türkiyə və daha sonrakı Avropa bazarlarına çıxışı təmin edəcək.

Böyük ölçüdə Şimal-Cənub Beynəlxalq Nəqliyyat Dəhlizinin infrastrukturu artıq mövcuddur və onun vasitəsilə avtomobil və dəmir yolu nəqliyyatı həyata keçirilir. Bununla belə, o, trafikin həcminin gözlənilən artımına cavab vermir və modernləşdirilməsinə və ötürücülük qabiliyyətinin artırılmasına ehtiyac var.

Bununla əlaqədar biz Rusiya-Azərbaycan sərhədində buraxılış məntəqələrinin modernləşdirilməsini başa çatdırırıq”.

Gültəkin Ələsgər