“Azərbaycanda bəlli bir qrup var ki, nə edirsən et, buna etiraz edirlər. İndi də deyirlər ki, bu qanun siyasi partiyaların fəaliyyətini məhdudlaşdıracaq”. 

"Unikal" xəbər verir ki, bunu Bütöv Azərbaycan Xalq Cəbhəsi Partiyasının sədri, deputat Qüdrət Həsənquliyev parlamentdə “Siyasi partiyalar haqqında” qanun layihəsinin ictimai müzakirəsi zamanı deyib.

O bildirib ki, “Siyasi partiyalar haqqında” qanun layihəsinin ilkin varinatında yer alan 20 il daim Azərbaycanda yaşamaq tələbi ləğv edilməlidir. Deputat əlavə edib ki, belə bir tələb Konstitusiyaya ziddir.                                                                                                                                     

Q.Həsənquliyev qeyd edib ki, dövlət qulluqçuları siyasi vəzifə tutursa, ona belə bir hüquq tanınmalıdır: "İnzibati vəzifə tutan dövlət qulluqçularına isə siyasi partiyaya üzv olmaq qadağan edilməldir".