"Everton"dan icarə əsasında "Beşiktaş"da çıxış edən Dele Alli ümidləri doğrultmur.

"Unikal" "Football Insider"in yaydığı məlumata istinadən xəbər verir ki, 26 yaşlı yarımmüdafiəçinin qış transfer dönəmində İstanbul təmsilçisindən ayrılması gözlənilir. "Beşiktaş" müqavilədəki birbaşa satın alma şərtindən istifadə etməyəcək, "Everton" isə Allini komandaya qaytarmaq istəmir.

İngiltərəli futbolçunun yeni ünvani İtaliya A Seriyasından "Fiorentina" ola bilər. 

Qeyd edək ki, "qartallar" Allini cari mövsümün sonuna qədər icarəyə götürüb.