Türkiyəli məşhur aktrisa Fərəh Zeynep Abdullahanın həbsi istənilib.  

"Unikal" xəbər verir  ki, buna səbəb aktrisanın sosial media hesabındakı paylaşımı olub. 

Belə ki, 2020-ci ildə  İpək Ər adlı qadın çavuş Musa Orxan tərəfindən təcavüzə məruz qalıb. Hadisədən sonra qadın intihar edib.  Qadın cinayətlərinə görə sosial mediada öz haqlı etirazlarını  bildirən insanlara məşhur simalar da qoşulub. Məşhur aktrisalar Ezgi Mola və Fərəh Zeynep Abdullah "Instagram"  hesabında bu hadisəni sərt şəkildə qınayıblar.

Musa Orxanın vəkili Mehmet Erkan Akkuş  sonra tvitter hesabından Ezgi Molaya dəstək verən aktrisa Farah Zeynep Abdullah barəsində 30 avqustda Uşak Banaz Respublika Prokurorluğuna hərəkətə keçməsi səbəbi ilə cinayət işi qaldırıb.

Cinayət şikayətində Fərəh Zeynep Abdullahın həm kino sənayesində, həm də sosial mediada yüksək reputasiyası olan bir şəxs olduğu vurğulanıb.

Farah Zeynep Abdullah prokurorluğa verdiyi ifadəsində Musa Orxanın cinayət iddiasının qərəzli və maddi qazanc məqsədi daşıdığını bildirərək, “Paylaşımı mən etdim. Lakin iddia edildiyi kimi, bu yazının qarayaxma kampaniyası və ya linç cəhdi ilə heç bir əlaqəsi yoxdur. Musa Orxan tərəfindən cinsi təcavüzə məruz qaldığı səbəbi ilə həyatına son qoyan İpək Erin iddialarının məhkəmə tibb müəssisəsinin hazırladığı hesabat və gənc qızla bağlı xəbərlərlə təsdiqləndiyi görülüb.Cinsi təcavüz nəticəsində intihar etməsi bütün ölkədə hiddət yaratdı və məni çox sarsıtdı.Bu reaksiya nəticəsində sosial mediada minlərlə insan tərəfindən minlərlə paylaşım edildiyi görülür. Mənim etdiyim paylaşım hər bir vicdanlı insanın reaksiyasından fərqli deyil”.

İstintaqın ardından Fərəh Zeynep Abdullah barəsində Bənəz Ağır Cəza Məhkəməsində Musa Orxanı səsli, yazılı və ya video mesajla təhqir etdiyinə görə 2 il 4 ay həbs cəzası tələbi ilə iddia qaldırılıb.