"Real World Academies"in təsisçisi və Birləşmiş Ərəb Əmirliklərinin “Pro Liqa”sının təhsil məsləhətçisi, Qrinviç Universitetinin doktorantı, İngiltərə Premyer Liqası, İspaniya La Liqası, Oman Milli Futbol Assosiasiyası, müxtəlif səviyyəli peşəkar futbol klubları, “Pirson Təhsil” (Pearson Education), Dünya Bankı və beynəlxalq məktəblərdə məsləhətçi və idarəçi kimi çalışmış, Avropa, Orta Şərq və Şimalı Amerikada keyfiyyət və tədris proqramı üzrə geniş təcrübəyə malik Ceyms Taker (James Tucker) Azərbaycan Dövlət Bədən Tərbiyəsi və İdman Akademiyasının magistratura təhsil səviyyəsində tədrisi ingilis dilində aparılan “İdman jurnalistikası” proqramının I tədris ili magistrantlarına “İdman marketinqi və PR (ictimaiyyətlə əlaqələr)” fənnini tədris edir.

"Unikal" xəbər verir ki, ASAPES Multimedia Mərkəzində keçirilən ilk mühazirə zamanı Ceyms Taker idman marketinqi və ictimai əlaqələr haqqında tələbələrlə fikir mübadiləsi aparıb.

O, tədris prosesində tələbələrə “Apple”, “Adidas” və “Nike” kimi dünya brendlərindən nümunələr təqdim etməklə marketinq və idman marketinqi arasındakı fərqlər haqqında da danışıb.