Türkiyənin ən məşhur simaları tanınmamışdan əvvəl fərqli peşələrlə məşğul olublar.
"Unikal" həmin məşhurları təqdim edir:
Demet Akalın
Məşhur müğənni Demet Akalın model olub. Modelliklə müğənniliyə başlayan Akalın karyerasını musiqi ilə davam etdirib.
İbrahim Tatlısəs
İbrahim Tatlısəs aktyorluğa, musiqiçiliyə, söz yazarlığına və proqramçılığa keçməzdən əvvəl tikintilərdə dəmirçi kimi çalışıb.
Can Yaman
İtaliya liseyini birinciliklə bitirən Can Yaman Yeditəpə Universitetində Hüquq fakültəsini oxuyub və fərqlənmə diplomu ilə bitirib. Məzun olduqdan sonra dünyaca məşhur "Price Water house Coopers" firmasında 6 aylıq təcrübə keçib.
Halil Ergün
Halil Ergün İznikdə əkinçiliklə məşğul olub, daha sonra Xalq Rəqslərində “Tənkə” tamaşası ilə peşəkarlaşıb.
Buğra Gülsoy
Buğra Gülsoy 2004-cü ildə Doğu Akdeniz Universitetinin Memarlıq fakültəsini bitirib. Kiprdə olduğu müddətdə Kipr Dövlət Teatrında müxtəlif rollar alıb və aktyorluğa addım atıb.
Rafet El Roman
Birinci sinifdən Almaniyaya gedən Rafet El Roman orada təhsilini başa vurub və on altı yaşında bəstəkarlığa başlayıb. O, məşhurlaşmamışdan əvvəl İslam Mədəniyyəti Mərkəzində Quran dərslərinə gedib, gözəl səsinə görə nəğmə və azan oxuyub. Bu səbəbdən də yaxın ətrafı onu “müəzzin Rafet” adlandırırdılar.
Yaşar
Məşhur musiqiçi Yaşar bəstələri ilə tanınmazdan əvvəl turist bələdçisi olub.
Tuba Büyüküstün
Gözəl aktrisa bir vaxtlar dekor və səhnə tərtibatçısı kimi də işləyib.
Elçin Sangu
Aktrisalıq karyerasına başlamazdan əvvəl Mersin Universitetində Opera təhsili alıb.
Barış Arduç
Məşhur olmamışdan əvvəl Arduç 8 il xilasedici işləyib.
Candan Erçetin
İstanbul Universitetinin klassik arxeologiya fakültəsinin məzunu olan Candan Erçetinin digər peşəsi musiqi müəllimidir.
Cüneyt Arkın
Ustad aktyor Cüneyt Arkın Adana həkim işləyib. 1963-cü ildə "Artist" jurnalı müsabiqəsinin qalibi olur və aktyorluq karyerasına başlayır.
Hande Yener
Məşhur musiqiçi Hande Yener Hülya Avşar tərəfindən kəşf edilməzdən əvvəl katib işləyirdi.
Burak Özçivit
Marmara Universiteti Gözəl Sənətlər Fakültəsində fotoqrafiya təhsili alan Özçivit Best Model yarışmasından sonra aktyorluq karyerasında irəliləyib.
Canan Ərgüder
Məktəbi bitirdikdən sonra ofisiant və teatrda çalışaraq aktrisalıq karyerasında addım-addım irəliləyib.
Kıvanç Tatlıtuğ
Aktyorluqdan əvvəl basketbolla maraqlanan Kıvanç Tatlıtuğ “Fənərbaxça” və “Beşiktaş”da çıxış edib. Zədələnərək idmanla vidalaşan Kıvanç karyerasını aktyor kimi davam etdirib.
Mabel Matiz
Məşhur musiqiçi Mabel Matizin əsas peşəsi stomatologiyadır. İstanbul Universitetinin stomatologiya fakültəsini bitirən Matiz sonrakı dövrlərdə sənətə üz tutub.
Hazırladı: Gülayə Mecid
