ATƏT-in fəaliyyətdə olan sədri, Şimali Makedoniyanın xarici işlər naziri Bujar Osmani aprelin 12-13-də Ermənistanda işgüzar səfərdə olacaq.

"Unikal" xəbər verir ki, XİN-nin məlumatına görə, aprelin 13-də xarici işlər naziri Ararat Mirzoyan və Buyar Osmaninin görüşü planlaşdırılıb və bundan sonra birgə mətbuat konfransı keçiriləcək.

ATƏT-in fəaliyyətdə olan sədrinin Ermənistan Respublikasının prezidenti, Ermənistan Respublikasının baş naziri və digər rəsmi şəxslərlə də görüşləri olacaq.

Qeyd edək ki, Buyar Osmani bu gün Bakıya gəlib və  Azərbaycan Prezidenti İlham Əliyev tərəfindən qəbul edilib.