Belçikada bu gündən işə velosipedlə gedənlər üçün hər kilometrə görə 0,27 avro (50 qəpik) müavinət ödəniləcək.  

"Unikal" xarici KİV-ə istinadən xəbər verir ki,  bu barədə Belçika Ümumi Əmək Federasiyasının mətbuat xidməti məlumat yayıb. 

Bildirilir ki, işə götürənlərlə işçilər arasında razılaşma ilə işə velosipedlə gedənlərə pul veriləcək. Bir işçi velosipedlə 40 kilometrdən çox gedə bilməz. Beləliklə, velosiped pulu gündə 10,8 avro ilə məhdudlaşdırılacaq.

Yeni tətbiqlə ölkədə velosipeddən istifadənin daha da genişlənəcəyi gözlənilir.