“İctimai nəqliyyatdan istifadənin kəskin azalmasının günahını taksi xidmətinin üzərinə yaza bilmərik. Həm ictimai, həm də fərdi daşımaçılıqda ciddi problemlər var”. 

"Unikal" xəbər verir ki, bunu Milli Məclisin bu gün keçirilən iclasında deputat Məlahət İbrahimqızı deyib. 

Onun sözlərinə görə, ictimai nəqliyyat sahəsində ciddi dəyişikliklərin edilməsinə ehtiyac var: “Bu xidmətdə beynəlxalq standartlar tədbiq olunmalıdır. Qanuna təklif edilən dəyişikliklər hesab edirəm ki, inhisarçılığa deyil, sağlam rəqabətə və məqbul qiymətə xidmət edəcək”.

M.İbrahımqızı eyni zamanda hava limanı və dəmiryolu stansiyasından çıxarkən heç bir qayda-qanun gözlənilmədiyinə, xaos vəziyyətin yarandığına, eləcə də “xalturşik” taksi sürücülərinə rast gəlindiyini xatırladıb: “Özəl “xalturşik”lər adamın üzərinə arı kimi hücum edirlər. Azərbaycanlı olaraq fikirləşirsən ki, bu kimi hərəkətlər gözəlləşən Bakı barədə turistdə hansı təsürat oyadar? Qardaş Türkiyədə hava limanında bu sahədə xüsusi xidmət var və hər kəs öz növbəsini gözləyərək aidiyyəti xidmətdən istifadə edirlər. Aidiyyəti qurumlara müraciət edirəm ki, bərbad durumdan çıxış yolu tapsınlar”.

Anar Kəlbiyev