İran kəşfiyyatına casusluq etməkdə şübhəli bilinərək saxlanıldığı deyilən azərbaycanlı Seymur Rzayev açıqlama verib.

“Unikal”ın məlumatına görə, sosial şəbəkədə video-müraciət yayan S.Rzayev yazılanların həqiqət olmadığını deyib. O, casus olmadığını və saxlanılmadığını bildirib:

“Mən heç vaxt Azərbaycan xalqına xəyanət etməmişəm, etmərəm də. Mən biznes fəaliyyəti ilə məşğul olan adamam. Qanun var. Mənim adımı çəkib, şəkillərimi yayanlar qanun qarşısında cavab verəcəklər”. 
 

*** 16:09

İstanbul Polis İdarəsinin Terrorla Mübarizə və Kəşfiyyat Şöbəsi xüsusi əməliyyat keçirib.

“Unikal” Türkiyə mediasına istinadən xəbər verir ki, əməliyyat nəticəsində İran kəşfiyyatına casusluq edən 5 nəfər saxlanılıb. Onların arasında azərbaycanlılar da var.

Saxlanılanlar Seymur Rzayev, Hikmət Əliyev, İlyas Yıldırım, Zeynəddin Çalışqan, Mehmet Çelikdir. 

Nuranə Abbasova