Tesla və SpaceX-in, həmçinin X sosial şəbəkəsinin sahibi İlon Mask bir gündə 16,1 milyard dollar itirib.
"Unikal" "Bloomberg"ə istinadən xəbər verir ki, Maskın varidatı üçüncü rübdə Teslanın zəif maliyyə göstəriciləri fonunda azalıb. Şirkətin səhmləri rüblük hesabatın dərcindən sonra aşağı mənfəət və satışlar səbəbindən 9,3% ucuzlaşıb.
Maliyyə itkilərinə baxmayaraq, Maskın sərvəti 2023-cü ildə 72,6 milyard dollar artıb və hazırda 210 milyard dollar dəyərindədir. Sahibkar dünyanın ən varlı adamı olaraq qalır. O, reytinqdə ikinci yeri tutan fransalı milyarder, LVMH (Louis Vuitton Moet Hennessy) şirkətlər qrupunun sahibi Bernard Arnaultdan 55 milyard dollar zəngindir.
Ağarza Elçinoğlu
