Rusiya prezidentinin mətbuat katibi Dmitri Peskov keçmiş Amerika prezidenti Donald Trampın Rusiya Federasiyasının ABŞ-dən “super-duper raketin” çertyojlarını oğurladığı iddiasına dair açıqlamalarına cavab verib.
"Unikal" xəbər verir ki, onun sözlərini TASS sitat gətirib.
Peskov vurğulayıb ki, Rusiya tərəfinin özünün hipersəs raketləri var, ona görə də Vaşinqtondan “super-duper” silahların heç bir sirrini oğurlamamışdır.
"Bizim öz raketimiz var, əla raketimiz var. Raketimizin cənab Trampın super duper kimi anlayışına uyğun olub-olmadığını söyləmək çətindir, lakin bu, hələ dünyada analoqu olmayan yaxşı raketdir. Həm də tək deyil", - Peskov jurnalistlərə bildirib.
Daha əvvəl Tramp bildirib ki, Rusiya tərəfi guya Barak Obamanın ABŞ prezidenti olduğu dövrdə Amerikanın “super-duper-raketi” ilə bağlı məxfi məlumat alıb.
