İsrailin blokadası və hücumları altında olan Qəzzada əksəriyyəti uşaq olmaqla, gündə 3 mindən çox insanda müxtəlif epidemik xəstəlik hallarının aşkar edildiyi açıqlanıb.

"Unikal" xəbər verir  ki, Qəzzada Səhiyyə Nazirliyindən verilən açıqlamada qaşınma, ishal, suçiçəyi, dəri xəstəlikləri və bronxit kimi bir çox xəstəliyin təsbit edildiyi bildirilib.  

"Qəzza zolağındakı sağlamlıq mərkəzlərində bir gündə əksəriyyəti uşaq olmaqla 3 min 150 epidemiya xəstəliyi aşkar edilib", - məlumatda qeyd olunub. 

Açıqlamada içməli və gündəlik istifadə suyunun qeyri-kafi olduğu, şəxsi gigiyena ehtiyacının qarşılana bilmədiyi vurğulanaraq, sığınacaq mərkəzlərində böyük izdiham səbəbiylə epidemiya xəstəlikləri sürətlə yayıldığı bildirilib. 

 İsrailin Qəzza zolağına tətbiq etdiyi blokadaya görə ciddi enerji çatışmazlığı yaranıb və bölgəyə yanacağın girişinə icazə verilmədiyi üçün xəstəxanaların generatorlarının dayandığı açıqlanıb.

Gülayə Mecid