Şəmkirdə iki ev yanıb.
"Unikal" xəbər verir ki, hadisələr rayonun Çinarlı qəsəbəsində qeydə alınıb.
Belə ki, qəsəbədə ayrı-ayrı iki vətəndaşa məxsus evlərdə yanğın başlayıb. Dərhal hadisə yerlərinə FHN-in Dövlət Yanğından Mühafizə Xidmətinin Şəmkir rayon Dövlət Yanğından mühafizə hissəsinin yanğınsöndürən avtomobilləri və canlı qüvvəsi cəlb olunub.
Araşdırma zamanı iki evdə baş verən yanğına qaz sızması səbəb olub. Bu zaman partlayış olan evə bitişik qonşu evdə də yanğın başlayıb. Partlayış zamanı 1946-ci il təvəllüdlü Şücayət Novruzova müxtəlif bədən xəsarətləri alıb. Yaşlı qadın xəstəxanaya yerləşdirilib, vəziyyətinin ağır olduğu bildirilir. Hər iki evdə baş verən yanğın yanğınsöndürənlər tərəfindən söndürlüb.
Hadisənin baş vermə səbəbləri araşdırılır.
Tural Əhmədov
