Fövqəladə Hallar Nazirliyinin xilasediciləri tərəfindən Bakı şəhəri, Binəqədi rayonu, A.Kunanbayev küçəsində yerləşən sexdə baş vermiş partlayışla əlaqədar axtarış-xilasetmə əməliyyatı davam etdirilir.

Bu barədə "Unikal"a FHN-dən bildirilib. 

Qeyd edək ki, hadisə nəticəsində bu saatadək xilasedicilər tərəfindən dağıntılar altından 3-ü sağ çıxarılmaqla, ümumilikdə 24 nəfər xəsarət alıb, 9 nəfərin cəsədi tapılaraq aidiyyəti üzrə təhvil verilib.

*** 18:26

Fövqəladə Hallar Nazirliyinin xilasediciləri tərəfindən Bakı şəhəri, Binəqədi rayonu, A.Kunanbayev küçəsində yerləşən sexdə baş vermiş partlayışla bağlı axtarış-xilasetmə işləri bitib.

Bu barədə "Unikal"ın sorğusuna cavab olaraq Fövqəladə Hallar Nazirliyindən məlumat verilib.

Qeyd edək ki, Bakı şəhəri, Binəqədi rayonu, A.Kunanbayev küçəsində yerləşən sexdəki partlayış nəticəsində 24 nəfər xəsarət alıb, 9 nəfər isə həlak olub. Faklta bağlı cinayət işi açılıb, araşdırma aparılır.