Rusiya Müdafiə Nazirliyi İl-76 hərbi nəqliyyat təyyarəsinin Belqorod vilayətində qəzaya uğramasını təsdiqləyib.

"Unikal" rus mətbuatına istinadən xəbər verir ki, İl-76 təyyarəsinin göyərtəsində dəyişdirilmək üçün Belqorod vilayətinə aparılan Ukrayna Silahlı Qüvvələrinin əsir götürülmüş 65 hərbçisi, 6 ekipaj üzvü və onları müşayiət edən 3 nəfər olub.

Rusiya teleqram kanallarının məlumatına görə,  təyyarədə olan 74 nəfərin hamısı ölüb. 

***12:56

Rusiyanın Belqorod vilayətində təyyarə qəzası baş verib. 

"Unikal" xəbər verir ki, bu barədə Rusiya KİV məlumat yayıb. 

"İl-76 hərbi təyyarəsi Belqorod vilayətində qəzaya uğrayıb", - deyə məlumatda qeyd olunub. 

Hadisənin digər təfərrüatları məlum deyil. 

Ağarza Elçinoğlu