Vyetnamın Hoşimin şəhərində polis ev heyvanlarının oğurlanması ilə bağlı artan şikayətlərdən sonra dəstəyə qarşı əməliyyat başladıb. 

"Unikal" xarici mətbuata istinadən xəbər verir ki, əməliyyatda "pişik oğurluğu kolleksiyası üzrə ixtisaslaşmış cinayətkar təşkilat" ilə əlaqəli doqquz nəfər saxlanılıb.

Əməliyyatlar zamanı kəsim üçün 400-dən çox diri pişik və buzda saxlanılan 80 ölü pişik müsadirə edilib. Ayrı bir müəssisədə tapılan 21 pişik də xilas edilib.

Polis şübhəlilərin son üç ildə Vyetnamın cənubunun müxtəlif yerlərində pişikləri yem və tələlərlə tutduqlarını etiraf etdiklərini bildirib.

Vyetnamda pişik və it ətinin istehlakı qanuni olsa da, satıcılardan heyvanların mənşəyini sübut edən rəsmi sənədlərə sahib olmaları tələb olunur. Buna baxmayaraq, bir çox restoran pişik və it ətinin satışını açıq şəkildə reklam edir.