İstanbulun Sarıyer bölgəsindəki Santa Maria kilsəsində 1 nəfərin ölümü ilə nəticələnən silahlı hücumla əlaqədar ikinci şübhəli şəxs də saxlanılıb. 

"Unikal" xəbər verir ki, bu barədə Türkiyənin daxili işlər naziri Ali Yerlikaya bildirib. 

*** 23:07

İstanbulun Sarıyer bölgəsindəki Santa Maria kilsəsinə silahlı hücum edənlərdən biri saxlanılıb. 

"Unikal" Türkiyə mediasına istinadən xəbər verir ki, kilsəyə hücum edənlərdən birinin açdığı atəş nəticəsində 1972-ci il təvəllüdlü şəxs ölüb. 

Hazırda digər silahlı şəxsin saxlanılması istiqamətində axtarışlar aparılır. 

*** 14:20

Türkiyənin İstanbul şəhərində italyan kilsəsi “Santa Maria”ya silahlı hücum olub.

"Unikal" xəbər verir ki, hadisə yerinə çoxlu sayda polis və təcili yardım əməkdaşları cəlb edilib. İlkin məlumata görə, hücum zamanı 1 nəfər ölüb.

Türkiyənin daxili işlər naziri Ali Yerlikaya “X”dəki hesabında məlumatı təsdiqləyib. Nazir bildirib ki, hücum 2 maskalı şəxs tərəfindən həyata keçirilib. O, hadisə ilə bağlı araşdırmanın aparıldığını, cinayətkarların saxlanılması üçün tədbirlərin görüldüyünü qeyd edib. Nazir hücumu kəskin pisləyib.