"Anama görə ailə qura bilməzdim. Çünki ona mən baxırdım, xəstə idi. Gərək ailə qursam sənəti atardım, bütün yük də həyat yoldaşımın üstünə düşəcəkdi. Bunu isə istəmirdim. Həm də həkimlər diaqnoz qoymuşdular ki, sonsuzsan, övladın olmayacaq. Tək Azərbaycanda yox, Rusiyada, Türkiyədə də eyni diaqnoz qoyulmuşdu".

"Unikal" xəbər verir ki, bu sözləri müğənni Sevda Sanəliyeva "Tarixin bir günü" proqramında deyib. Sənətçi həkimlərin ona qoyduğu səhv diaqnozdan danışıb:

"Çox müalicə aldım, xeyrini görmürdüm. Dedilər ki, sonsuzsan, etmə müalicə. Müalicəni atdım və iki övladım dünyaya gəldi. 33 yaşında ailə qurdum. İndi böyük övladımın 9 yaşı var".

Qeyd edək ki, Sevda iki dəfə ailəli olub və ayrılıb.