Bir vaxtlar Kərim Benzema və Alfredo Di Stefano kimi əfsanələrin "Real Madrid"də geyindiyi 9 nömrəni 17 yaşlı braziliyalı forvard daşıyacaq.

"Unikal" xəbər verir ki, bu barədə “Marca” qəzeti məlumat yayıb.

İspan nəhəngləri Endrikin transferini 2022-ci ilin dekabrında, futbolçunun 15 yaşı olanda ediblər. Lakin hücumçu yalnız 18 yaşı tamam olanda, yəni 2023/24 mövsümünün sonunda "Real Madrid"ə keçə biləcək.

Müqavilənin müddəti 2027-ci ilə qədərdir. Transfer dəyəri 35 milyon avrodur.

Ötən mövsüm Endrik Braziliyanın "Palmeyras" klubunun heyətində bütün turnirlərdə 53 oyun keçirib, 14 qol vurub və bir məhsuldar ötürmə edib.