Mitç Makkonnel ABŞ Senatında Respublikaçı Azlıqların Lideri vəzifəsindən istefa verəcəyini açıqlayıb.

"Unikal" TASS-a istinadən xəbər verir ki, 82 yaşlı qanunverici Konqresin yuxarı palatasındakı çıxışında “Bu gün mən sizin qarşınızda durub açıqlayıram ki, bu, mənim Respublikaçı lider kimi sonuncu müddətim olacaq” deyib. 

Onun sözlərinə görə, Senatdakı Respublikaçılar fraksiyası noyabrda yeni liderini seçmək niyyətindədir. 

Qanunverici vurğulayıb ki, o, 2027-ci ildə başa çatacaq səlahiyyət müddətindən əvvəl Konqresin yuxarı palatasında fəaliyyətini dayandırmaq niyyətində deyil.
​