Rusiyanın və SSRİ-nin Xalq artisti Alla Puqaçovanın prodüseri və keçmiş əri Yevgeni Boldin müğənninin vaxtilə qazandığı pulların dövlət tərəfindən mənimsənildiyini bildirib.
"Unikal" xəbər verir ki, NEWS.ru-ya danışan Boldin bildirib ki, Puqaçova bütün konsertlərindən qabaq izlənilib.
“Alla Borisovna Puqaçova solo konsertinə görə 7 rubl 50 qəpik alırdı. Eyni zamanda, yadımdadır, Tiflisdə on minlik stadionda bilet 10 rubl idi. Konsertdən gələn gəlir dövlətə getdi. Başqaları pul qazanırdı, amma o bacarmadı. Çünki onun hər səfərini izləyirdilər. Nəzarət və Audit Departamenti, Maliyyə Nazirliyi, digər nəzarət idarələrinin nümayəndələri Puqaçovanın konsertinin planlaşdırıldığı şəhərə iki həftə əvvəl gedirdilər. Puqaçova xarici qastrollardan çoxlu dollarlar gətirib, lakin buna baxmayaraq, gəlirin böyük hissəsi dövlət xəzinəsinə daxil olub. Oradan ölkəyə bağlamalarla dollar gətirib Dövlət Konsertinə təhvil verdim. Alla isə gündə 15 dollar alırdı ”, - deyə Boldin bildirib.
Nuranə Abbasova
