Azərbaycan Turizm və Menecment Universitetində (ATMU) Elm və Təhsil Nazirliyi akademik H.Əliyev adına Coğrafiya İnstitutu Paleocoğrafiya şöbəsinin aparıcı elmi işçisi, geologiya-mineralogiya üzrə fəlsəfə doktoru, dosent Rəşid Fətəliyevin iştirakı ilə «Azərbaycanın bazalt sütunları və onların geoturizm əhəmiyyəti» mövzusunda təqdimat olub.
"Unikal" xəbər verir ki, təbiət abidələrinin ən ecazkar nümunələrindən sayılan bazalt sütunlarının geoturizm üçün əhəmiyyətinə toxunan tədqiqatçı-alim, eyni zamanda adıçəkilən təbiət abidələrinin yayılma arealı, geoloji və geomorfoloji xüsusiyyətlərindən də bəhs edib.
Azərbaycanın Kiçik Qafqaz və Talış dağları ərazisindəki vulkan mənşəli süxurlarda intişar tapan sütunvari ayrılmalar və eko - geoturizmin potensial imkanlarına münasibət sərgiləyib.
Turistlərdə təbiət abidələrinə marağı şərtləndirən maarifləndirmə tədbirlərinin əhəmiyyətindən danışan R.Fətəliyev bazalt sütunlarının sistemli şəkildə elmi tədqiqinin önəmli olduğna aydınlıq gətirib. Məhz təbiət abidəsi kimi qeydiyyata alınması, təsnifatlaşdırılması, qorunması və əlçatanlığının təmin edilməsinı aktual məsələ kimi dəyərləndirib.
