"Gələn aydan başlayaraq Türkiyədə inflyasiya çox kəskin şəkildə düşməyə başlayacaq. Yolumuz bu istiqamətdədir. Keçid dövrü başa çatıb, deflyasiya dövrünə qədəm qoymuşuq".

"Unikal" xəbər verir ki, bunu Türkiyənin xəzinə və maliyyə naziri Mehmet Şimşek deyib. 

Orta və uzunmüddətli dövrdə iqtisadi böyüməyə təsir edəcək məqamlara toxunan nazir ticarətdə proteksionizm və parçalanmanın qlobal artıma mənfi təsir göstərdiyini, süni intellekt və struktur islahatlarının bunu artıracaq amillər arasında olduğunu deyib.

Nazir investisiya mühitinin yaxşılaşdırılmasını ayrıca müzakirə etdiklərini və bunun özlüyündə əhəmiyyətli bir məsələ olduğunu bildirib.

Qlobal iqtisadiyyata inteqrasiyanın vacibliyini vurğulayan Şimşek bildirib ki, hazırda Türkiyədə həyata keçirilən islahatlar eyni şəkildə davam etdiriləcəyi təqdirdə iki il ərzində qlobal normalara görə ölkənin milli gəlirində əlavə 4 ballıq, 4 ildə isə istehsalda əlavə 8 ballıq artım olacaq.

Mehmet Şimşek Türkiyənin qlobal ticarətdəki problemlərdən nisbətən daha az təsirlənən ölkələrdən olduğunu, investorların doğru proqnozlarını artırmaları üçün nəzərdə tutulan sabitlik və islahat proqramı haqqında məlumat verib.