Sumqayıtda Corat qəsəbəsində dənizdə batan 18 yaşlı gəncin meyiti tapılıb.

"Unikal" xəbər verir ki, 2006-cı il təvəllüdlü Kamal Mirzə oğlu Nəbiyev qeyri-çimərlik ərazidə çimərkən boğulub.

Onun meyiti sudan çıxarılaraq aidiyyatı üzrə təhvil verilib.

*** 18:57

Sumqayıt şəhəri, Corat qəsəbəsində dənizdə (ən yaxın sularda xilasetmə məntəqəsindən təqribən 1 km aralı, nəzarətsiz ərazi) bir nəfər batıb.

Bu barədə "Unikal"a Fövqəladə Hallar Nazirliyindən (FHN) məlumat verilib.

Bildirilib ki, məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.