Bu il ərzində “Azərbaycan Dəmir Yolları” QSC-yə (ADY) məxsus qatarların keçdiyi dəmir yolu xətlərinə 22 dəfə kənar əşya qoyulub.

"Unikal" xəbər verir ki, bu barədə “Azərbaycan Dəmir Yolları” QSC özü məlumat yayıb.

Bildirilib ki, dəmir yolu relsləri üzərinə daş düzülməsi, dəmir, təkər və digər böyük əşyaların qoyulması buna misal ola bilər. Belə hallar zamanı hərəkətin təhlükəsizliyinə ciddi təhlükə yaranır, qatarların hərəkət qrafiki pozulur, sərnişinlərin və yüklərin daşınmasında, mənzilbaşına vaxtında çatdırılmasında yubanmalar yaşanır, qatar heyəti və sərnişinlərin həyatı risk altına düşür.

"Dəmir yolu xətti üzərində kənar əşya görsəniz, yaxınlıqdakı stansiyaya və yaxud ADY-nin 1822 Əlaqə Mərkəzinə dərhal məlumat verməyiniz xahiş olunur",- deyə məlumatda qeyd edilib.