Xızı rayonu, Altıağac qəsəbəsində 2017-ci il təvəllüdlü Ümid Mərdan oğlu Eyvazlı bədbəxt hadisə nəticəsində ölüb.

"Unikal" "Qafqazinfo"ya istinadən xəbər verir ki, 7 yaşlı uşaq başına bit düşməsindən sonra, başına mal-qara üçün nəzərdə tutulan "Neastol" dərmanı töküb. Gənə və parazitlərə qarşı istifadə edilən maye dərmanın tətbiqindən sonra uşağın halı pisləşib və o, Xızı Rayon Mərkəzi Xəstəxanasına çatdırılıb.

Oradan da Bakıya Respublika Klinik Xəstəxanasına gətirilən uşaq yolda dünyasını dəyişib.

Faktla bağlı Xızı Rayon Prokurorluğunda araşdırma aparılır.