İsrail İordaniya ilə hər üç sərhəd keçidini növbəti xəbərdarlığa qədər bağlayıb.

“Unikal” xəbər verir ki, bu barədə İsrail Hava Limanları İdarəsi məlumat yayıb.

“Ölkənin şimalındakı Beyt Şean şəhəri yaxınlığındakı İordaniya keçid məntəqəsi, Allenbi körpüsündəki keçid məntəqəsi, eləcə də cənubdakı Eylat şəhəri yaxınlığındakı Rabin sərhəd-keçid məntəqəsi bağlanıb”, - məlumatda deyilir.

Qeyd olunur ki, sərhədin bağlanması barədə qərar sentyabrın 8-də Allenbi körpüsündə 3 israillinin ölümü ilə nəticələnən terror aktından sonra verilib. “The Times of Israel” qəzetinə görə, atəş açan şəxs İordaniyadan gələn yük avtomobilinin sürücüsü olub.

XXX

12:41

İsrail və İordaniya arasında sərhəd-keçid məntəqəsində, İordan çayı üzərindəki Allenbi körpüsü üzərində israilli işçilərə atəş açılıb.

"Unikal" “The Times of Israel” qəzetinə istinadən xəbər verir ki, İordaniyadan gələn yük maşınının sürücüsü israilli işçiləri atəşə tutub.

Nəticədə 3 israilli ölüb.

Atəş açan şəxs zərərsizləşdirilib.