83 yaşlı Hollivud ulduzu Al Paçino 2020-ci ildə koronavirusa yoluxarkən ölümlə üz-üzə qalıb.

"Unikal" xəbər verir ki, bu barədə aktyor "The New York Times" qəzetinə müsahibəsində bildirib.

"Evimdə özümü çox pis hiss edirdim. Həkimlər dedilər ki, nəbzim yox idi. Bu belə bir şey idi, sən buradasan, amma yoxsan. Qəribə bir qarışıqlıqdır. Huşumu itirməzdən əvvəl qızdırma və susuzluq var idi. Oyananda 6 feldşer və iki həkimdən ibarət tibbi briqadanı gördüm. Onlar kosmosdan və ya başqa yerdən gəlmiş kimi kostyumlar geyinmişdilər. Gözümü açıb bunu görmək şok oldu. Hamı mənim ətrafımda idi və dedilər ki, o geri döndü. O, buradadır" deyə, aktyor müsahibəsində deyib.