Dünən ABŞ-ın Florida ştatını vuran Milton qasırğası nəticəsində azı 9 nəfər həlak olub.

"Unikal" xəbər verir ki, bu haqda məlumatı NBC telekanalı yayıb.

Daha əvvəl təbii fəlakət nəticəsində 4 nəfərin öldüyü bildirilirdi. Telekanalın məlumatına görə, Volusiya qraflığında daha 3 nəfər, bir gündə 45 sm yağışın yağdığı Sent-Pitersberq şəhərində isə daha iki nəfər ölüb.

XXX

18:59

"Milton" qasırğasının Florida ştatına çatmasından bir müddət əvvəl meydana gələn tornadolarda dörd nəfər həlak olub.

"Unikal" xarici mediaya istinadən xəbər verir ki, ölənlərin hamısı iki tornadonun baş verdiyi Sent-Lüsi qraflığında olub.

Bir çox ev və binalar, o cümlədən Port Sent-Lüsi şəhəri və ətraf ərazilər ciddi ziyan görüb.

3-cü kateqoriyaya aid olan "Milton" qasırğası Siesta-Ki yaxınlığına çatıb. Səhər qasırğa birinci kateqoriyaya qədər zəifləyib. Ştatın 3 milyondan çox sakini işıqsız qalıb.