Kvanju Elm və Texnologiya İnstitutunun (GIST) alimləri pişik gözünün mürəkkəb vizual mühitlərdə obyektləri tanımaq qabiliyyətinə əsaslanan kompüter görmə sistemi yaradıblar.

"Unikal" xəbər verir ki, nəticələr Science Advances (SciAdv) jurnalında dərc olunub.

Tədqiqatçılar robototexnikanın əsas problemlərindən birinin - çətin işıqlandırma şəraitində obyektləri tanımaq çətinliyinin həllini pişiklərin gözlərinin adaptiv qabiliyyətlərini öyrənməklə tapıblar. Bu xüsusiyyət yeni kompüter görmə sisteminin yaradılması üçün əsas rolunu oynadı.

Yeni texnologiyanın əsas elementi pişiyin şaquli göz bəbəyini xatırladan yarıq formalı diaframdır. Bu, artıq işığı effektiv şəkildə süzməyə və vacib obyektlərə diqqət yetirməyə imkan verir. Kamera, həmçinin parıltını aradan qaldıran və zəif işıqda görmə qabiliyyətini yaxşılaşdıran xüsusi örtüyə malikdir.

Bu, robototexnika və kompüter görmə sahəsində daha səmərəli və adaptiv sistemlərin yaradılması üçün yeni imkanlar açır.