Oktay Kaynarca Türkiyə televiziya tarixində iz qoyan Kurtlar Vadisi serialı ilə bağlı diqqət çəkən açıqlamalar verib.

"Unikal" xəbər verir ki, "Kafa TV"də Candaş Tolqa Işığın "Fenomen" verilişində qonaq olan məşhur aktyor, "Kurtlar Vadisi"nin əslində Amerika serialından çəkildiyini bildirib.

O, serialın ilhamının "Büyük Tələ" adlı Amerika formatlı istehsalı olduğunu açıqlayıb. Oktay Kaynarca bu məlumatın bu günə qədər eşidilmədiyini və bu faktı ilk dəfə açıqladığını bildirib.

Kaynarca verilişdə, "Əslində o zaman TRT-də "Büyük Tələ" adlı bir serial var idi. Amerika formatı idi və sevərək baxırdıq. Sonra Osmanın yanına gedib "Bu serial Türkiyədə çox diqqət çəkəcək"  dedim. Ancaq bir müddət bu məsələ gündəmdə deyildi. Sonra Osman mənə zəng edərək layihəni etməyə qərar verdiklərini dedi", - qeyd edib. 

Kaynarcanın açıqlamaları, "Kurtlar Vadisi"nin əslində orijinal bir istehsal olmadığını, Amerikanın "Büyük Trap" serialından ilhamlandığını ortaya çıxardı. Bu etiraf serialın pərəstişkarları arasında sürprizlə qarşılanıb. “Kurtlar Vadisi” yayımlandığı dövr ərzində geniş tamaşaçı kütləsi toplayıb və Türkiyə televiziyası tarixində iz qoyan əsərlərdən biri kimi xatırlanmağa davam edib.

Gülayə Mecid