Cəlilabad rayonunda iki nəfərin xəsarət alması ilə nəticələnən yol qəzası baş verib. 

"Unikal"ın məlumatına görə, hadisə köhnə Ələt-Astara avtomobil yolunun Cəlilabadın Maşlıq kəndindən keçən hissəsində qeydə alınıb. 

Belə ki, idarəetməni itirən  "VAZ 2107" markalı minik avtomobili dirəyə çırpılıb. Hadisə nəticəsində iki nəfər rayon sakini, 1961-ci il təvəllüdlü Mirzəcan Cəfərov və 1974-cü il təvəllüdlü Nazim Əlihümbətov müxtəlif bədən xəsarətləri alıb. Yaralılar təcili tibbi yardım briqadası tərəfindən rayon xəstəxanasına çatdırılıb. 

Faktla bağlı araşdırma aparılır. 

Xəlil Əliyev