İstanbulun Beylikdüzü bələdiyyəsindəki 14 mərtəbəli binanın birinci mərtəbəsində partlayış baş verib. 

"Unikal" xəbər verir ki, bu barədə Türkiyə mətbuatı yazıb. 

Partlayışa səbəb təbii qaz sızması olub. 

İstanbul Valiliyi partlayışda 1 nəfərin öldüyünü, 3 nəfərin yaralandığını açıqlayıb.

Yaralılar yanğınsöndürənlər tərəfindən xilas edilib, hadisə yerində olan həkim briqadaları tərəfindən göstərilən ilkin tibbi yardımdan sonra təcili tibbi yardım maşını ilə xəstəxanaya aparılıb.

Ağarza Elçinoğlu