Bu gün Fövqəladə Hallar Nazirliyinin "112" qaynar telefon xəttinə Tovuz şəhəri, M.Musayev küçəsində avtomobil təmiri sexinin qarşısında yük avtomobilinin çənində təmir işləri aparılan zaman partlayış baş verməsilə bağlı məlumat daxil olub.

Bu barədə "Unikal"a FHN-in Mətbuat Xidmətindən məlumat verilib.

Bildirilib ki, partlayış nəticəsində 2 nəfər xəsarət alıb.

FHN-in Dövlət Yanğından Mühafizə Xidmətinin Tovuz rayon Yanğından Mühafizə Hissəsinin qüvvələri əraziyə cəlb olunub. Ərazidə müvafiq təhlükəsizlik tədbirləri görülüb.

***16:07

Tovuzda bədbəxt hadisə baş verib.

"Unikal"ın məlumatına görə, hadisə Tovuz bazarı adlanan ərazidə olub. Belə ki, həmin ərazidə yerləşən çilingər sexində yanacaq çənini kəsən zaman anidən güclü partlayış olub. Hadisə zamanı 1992-ci il təvəllüdlü Tovuz rayon sakini Rüstəmov Rasim Sahib oğlu və 1966-cı il təvəllüdlü Tovuz rayon Bozalqanlı kənd kənd sakini Quliyev Ələddin İsrafil oğlu xəsarət alaraq xəstəxanaya yerləşdirilib.

Ərizyə FHN və huquq mühafizə orqanların əməkdaşları cəlb olunub.

Tural Əhmədov