Türkiyənin “Fənərbağça” komandası “Mançester Siti”nin (İngiltərə) futbolçusu Kevin De Bruyneni transfer etməkdə israrlıdır.

"Unikal" xəbər verir ki, İstanbul klubu belçikalı yarımmüdafiəçi üçün həftəlik 250 min funt-sterlinq maaş verməyə hazırdır. 33 yaşlı oyunçuya ABŞ və Səudiyyə Ərəbistanı klublarından da təkliflər var.

“Mançester Siti” futbolçu ilə gələn ilin yayında başa çatacaq müqavilənin daha bir il uzadılmasını istisna etmir.

Qeyd edək ki, Kevin De Bruyne bu mövsüm “Mançester Siti”nin heyətində 16 matçda 2 qol və 1 məhsuldar ötürmə ilə yadda qalıb. Onun hazırkı bazar dəyəri 35 milyon avrodur.