İsmayıllıda yanğın baş verib.  

"Unikal" xəbər verir ki, rayonunun Vaşa kəndində baş vermiş yanğın nətiəsində 1952-ci il təvəllüdlü Mustafayev Şakir Əlsafa oğluna məxsus ümumi sahəsi 160 k/m olan ikimərtəbəli fərdi yaşayış evi içərisində olan əşyaları ilə birlikdə, evin qarşısında olan ümumi sahəsi 30 k/m olan talvar, həyətyanı sahədə olan ümumi sahəsi 12 k/m olan təndirxana və həyətdə olan ümumi sahəsi 72 k/m tövlənin ağac konstruksiyaları tamamilə yanıb. Bununla yanaşı, yanğın genişlənərək qonşuluqda yerləşən Mustafayev Rza Əlisafa oğluna məxsus fərdi yaşayış evinə keçmiş və nəticədə ümumi sahəsi 40 k/m olan kürsülü birmərtəbəli fərdi yaşayış evi içərisində olan əşyalarla birlikdə tamamilə yanıb. Yanğın zamanı xəsarət alan olmamışdır.

Əraziyə  İsmayıllı rayon Yangından Mühafizə Hissəsinin şəxsi heyəti cəlb olunub. Həmin əraziyə gedən yolun yararsız olması səbəbindən yangınsöndürənlər hadisə yerinə şəxsi avtomobillərlə gediblər.

Seymur Əli