Xaçmazda baş verən avtoqəzada ağır xəsarətlər alan sürücünün həyatını xilas etmək mümkün olmayıb.

"Unikal"ın Şimal bürosunun məlumatına görə, yük maşınlarının toqquşması nəticəsində ağır bədən xəsarətləri alan sürücü, 1998-ci il təvəllüdlü Qədirov Samir Emin oğlu Bakıya aparılarkən vəziyyətinin pis olduğuna görə Sumqayıt şəhər xəstəxanasına aparılıb. 

S.Qədirov Sumqayıt şəhər xəstəxanasında dünyasını dəyişib.

**** 11:37

Xaçmazda ağır yol-nəqliyyat hadisəsi baş verib. 

"Unikal" xəbər verir ki, Gəndob-Yalama avtomobil yolunun 27-ci km-də, magistralın Xaçmaz rayonunun Müşkür kəndi yaxınlığından keçən hissəsində qeydə alınıb.

Belə ki, Babayev Emil Çingiz oğlunun idarə etdiyi "İVECO" markalı iri tonnajlı yük avtomobili qarşıdan gələn "Ford" markalı yük avtomobili ilə toqquşub. Nəticədə "Ford"-un sürücüsü Samil Qədirov ağır xəsarətlər alaraq deformasiyaya uğrayan avtomobildə sıxılmış vəziyyətdə qalıb.

FHN-nin Xüsusi Riskli Xilasetmə Xidmətinin əməkdaşları onu çıxarıb təcili tibbi yardım briqadasına təhvil verib.

Xaçmaz Mərkəzi rayon Xəstəxanasına yerləşdirilən yaralının vəziyyətinin ağır olduğu bildirilib.

Hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır.

Xanlar Qaraca