Sosial şəbəkələrdə aksiyaya çağırışlarla əlaqədar Bakıdakı “Rus Evi” adından yayılmış xəbərlər dezinformasiyadır.  

"Unikal" xəbər verir ki, bu barədə Rusiya Xarici İşlər Nazirliyi məlumat yayıb.

Nazirlik “Bakıdakı Rus Evinə dəstək mitinqində” iştirakla bağlı poçt göndərişinin saxta olduğunu bəyan edib.

“Bu, saxta məlumat kütləvi auditoriyada emosional reaksiya yaratmaq üçün hazırlanmışdır. Söhbət yalançı bayraq əməliyyatı üslubunda məqsədyönlü və yaxşı planlaşdırılmış təxribatdan gedir", - Rusiya XİN-dən bildiriblər.