Amerikanın “Evdə Tək” filminin ulduzu Makoley Kalkin son müsahibəsində atası, aktyor Keyt Kalkinlə təxminən 30 ildir ünsiyyət saxlamadığını etiraf edib. 

"Unikal" xəbər verir ki, bu barədə "Daily Mail" məlumat yayıb. 

Aktyor 10 yaşında ikən 1990-cı ildə "Evdə tək" filmində rol aldığı zaman dünya səviyyəsində tanınıb. Nəticədə o, şöhrət və uğur baxımından atasını tez bir zamanda kölgədə qoyub.Kalkinin fikrincə bu, onun atasını qısqandırıb.

Onun valideyni 1995-ci ildə boşanaraq artıq ulduz olan oğullarının qəyyumluğu uğrunda mübarizə apardılar. 

İndi 44 yaşı olan Makoley Kalkin deyib ki, nə onun, nə də digər bacı-qardaşlarının ataları ilə əlaqəsi yoxdur. Aktyorun sözlərinə görə, atası onun üçün öz övladlarını böyütməkdə təqlid edilməməli olan nümunə olub: "Onu təxminən 30 ildir görmürəm. Onunla bağlı ilk xatirələrimdən biri bu idi: Böyüyəndə övladlarımla belə olmayacağam". 

Ağarza Elçinoğlu