Britaniya Kolumbiyası Universitetinin tədqiqatçılarının fikrincə, smartfonunuzda internetə girişi cəmi iki həftə məhdudlaşdırmaq beyninizi on il cavanlaşdıra bilər.

"Unikal" xəbər verir ki, nəticələr "PNAS Nexus" jurnalında dərc olunub.

Təcrübədə ABŞ və Kanadadan 400-dən çox insan iştirak edib. Onlara telefonda interneti tamamilə bloklayan, eyni zamanda zənglərə və SMS-lərə icazə verən proqram quraşdırmaq təklif olunub. Cəmi iki həftədən sonra könüllülərin konsentrasiya qabiliyyəti 10 yaş kiçik insanların səviyyəsinə qədər əhəmiyyətli dərəcədə yaxşılaşıb. 

Bundan əlavə, iştirakçıların 90 faizi psixo-emosional vəziyyətlərinin yaxşılaşdığını qeyd edib. Tədqiqatçılar təsirini antidepresanların təsiri ilə müqayisə edirlər. İnsanlar daha tez-tez gəzməyə, şəxsən ünsiyyət qurmağa və təbiətdə istirahət etməyə başlayıblar.