Pakistan prezidenti Asif Əli Zərdari COVID-19-a yoluxub.

"Unikal" xəbər verir ki, bu barədə Pakistan mediası Zərdarinin həkimi Asim Hüseynə istinadən məlumat yayıb.

Həkimin sözlərinə görə, Zərdarinin COVID-19 testi müsbət nəticə verib və təcrid olunub.

"Prezidentin səhhətinə görə onunla bütün görüşlər qəti qadağandır", - Hüseyn qeyd edib. O əlavə edib ki, həkim briqadası gecə-gündüz prezidentin vəziyyətini izləyir.

Qeyd edək ki, Zərdari dünən təcili olaraq Kəraçi şəhərində xəstəxanaya yerləşdirilmişdi.