Hindistan Hərbi Hava Qüvvələrinə məxsus "Jaguar" qırıcı təyyarəsi Qucarat vilayətinin qərbində qəzaya uğrayıb. 

"Unikal" xəbər verir ki, bu barədə BBC məlumat yayıb. 

"Camnaqar hava limanından havaya qalxan iki nəfərlik "Jaguar" təyyarəsi gecə uçuşu zamanı qəzaya uğrayıb. Pilotlar texniki nasazlıqla üzləşib. Onlar hava limanına və yerli sakinlərə ziyan vurmadan təyyarəni kənddə boş əraziyə apara biliblər. Təəssüf ki, pilotlardan biri aldığı xəsarətlərdən ölüb, digəri isə xəstəxanada müalicə olunur", - Hindistan Hərbi Hava Qüvvələrinin məlumatında deyilir. 

Hadisənin səbəbləri ilə bağlı araşdırma aparılır.

Ağarza Elçinoğlu